Пилешка крем супа со ориз
Состојки
- 500 гр. пилешки копани
- 1/2 чаша од 250 мл. ориз
- 1 страк целер
- 1/2 страк праз
- магданос по желба
- 1 помала главица кромид
- 1 чешне лук(по желба)
- сол,мешан зачин,бибер по вкус
- 1 коцка за пилешка супа
- 50 гр. путер
- 50 гр. брашно
- 500 мл. неутрална павлака за готвење или млеко
Подготовка
Во тенџере стваете ги копаните, посолете, исечкајте ги сите зеленчуци на големина која ви одговара, ставете ги во копаните, разронете ја коцката за супа, посолете и ставете мешан зачин и бибер колку што мислите дека е доволно.
Ставете да се вари на тивко. Кога почнало да зоврива и да крчка додадете го оризот, извадете ги копаните.
Копаните полејте ги со ладна вода да оладат, исчистете ги со нож и вилушка од коските, исцепкајте го месото.
Вратете го во супата и оставете да се свари оризот и месото.
Кога се е сварено во сад за сос растопете го путерот, додајте го брашното и мешајте, брашното не смее да ја смени бојата.
Додајте ја павлаката или млекото, мешајте да се згусти.
Бешамелот ставете го во супата и измешајте да се соеднини оставете уште малку да се повари (15 мин).
Исклучете и оставете малку да се подолади, служете со пропржен леб.
- Ако готвите во Делимано Гурмет на бавно варење, варете 3-4 часа или колку е потребно.
На колку потивко готвите јадењето ќе биде повкусно...