Солени пакетчиња од палачинки
Состојки
- 10 готови палачинки
- 100 грама кашкавал
- 100 грама салама
- 2 јајца
- брашно за валкање
- презла за валкање
- 100 грама кечап
- 100 грама мајонез
- масло за пржење
Подготовка
Секоја палачинка ја мачкаме со кафено лажиче мајонез. На средината ставаме исечкана салама и рендан кашкавал и наросуваме оригано. Палачинките ги виткаме како плик или како триаголник.
Секоја палачинка малку се премачкува со вода, па се валка во брашно, изматени јајца и на крај во презла.
Пржиме во загреано масло прво на страната каде што е затворена палачинката. Ги ставаме на хартиени салфетки да се упие вишокот маснотија.
Се служат со јогурт, кисело млеко или по желба.