Милка торта

Подготовка

Се двојат 7 белки и се матат во цврст снег, а потоа постепено се додава 100 гр. шеќер. Се мелат 100 гр.лешници претходно потпечени, се додава 1 лажица брашно и лесно се меша со матените белки.
На ист начин се подготвуваат и другите две теста.
Смесата се излива во калап за торта бр.28 покриен со хартија за печење и се пече во претходно загреана рерна на 180 Ц. 20 мин.
Истата постапка се повторува и со другите две теста.

Подготовка на кремот
Сите жолчки, пудингот и брашното се промешуваат. Ако смесата е густа по потреба се додава малку млеко. Преостанатото млеко и шеќерот се варат и се тргат од оган. Се додава смесата со жолчките и пудингот, се враќа на оган кратко се заедно да се свари со постојано мешање за да не загори. Веднаш во жешкиот крем се додава маргаринот и се мати убаво се заедно.
Кремот се остава добро да се олади и внатре му се додаваат претходно изматени 2 шлаг креми со 100 мл. млеко. Оваа смеса се дели на два дела и во едниот дел се става стопено на пареа Милка црно чоколадо со лешници, а во другиот дел исто растопено на пареа Милка бело чоколадо. Вака подготвените две креми треба добро да се изладат пред да се нанесат на тестата.

Ја земаме првата кора и врз неа нанесуваме половината од белиот фил. Потоа го земаме другото тесто и нанесуваме половина од црниот фил. На крај ја ставаме и последната кора и врз неа ја ставаме другата половина од белиот фил, а целата торта од страната ја премачкуваме со црниот фил. Одозгора може да се украси со стопено чоколадо, лешници или друго според ваша желба.