Торта руска салата
Состојки
- 12 белки
- 6 жолчки
- 6 лажици мелени ореви
- 6 лажици брашно
- 1 пециво
- 12 лажици шеќер
- фил
- 750мл млеко
- 6 жолчки
- 6 лажици шеќер
- 5 лажици брашно
- 2 ванили
- 250гр маргарин
- 250гр шеќер во прав
- 100гр сецкано суво грозје
- 100гр сецкани желе бонбони
- 100гр сецкани ореви
- 100гр сецкани урми
Подготовка
Белките се матат во цврст снег, жолчките се матат со шеќерот, а потоа им се додаваат оревите, брашното измешано со пецивото и на крај полека со лажица се додаваа снегот од белки. Целата смеса лесно се промешува со лажица и се пече на 180 степени околу 25 минути.
Одкако ќе се испече тортата се сече на три дела по висина .
Фил
Се вари крем од млекото, жолчките и брашното додека се згусне. На крај им се додава и ванилата и се остава да се олади.
Маргаринот се мати со шеќерот во прав додека стане кремаст.
Се соединуваат кремот и маргаринот и убаво се мати додека се добие убав мазен крем. Кон кремот се додава сецканото суво овошје и со лажица се промешува.
Секоја кора се попрскува со шербет, а потоа со фил. Декорацијата по своја замисла.
Ова е една од најстарите торти во мојата тетратка и одамна ја немав правено. Сликите се од роденденски торти затоа го нема пресекот, но ќе поставам слика автентична на името.
Округлата торта е од оваа доза, а таа во плехот од дозаипол.