Кекси со варени жолчки
Состојки
- 3 тврдо варени жолчки
- 150 гр брашно
- 100 гр нишесте
- 80 гр шеќер во прав
- 150 гр путер на собна температура
- 1 ванила
- рендана кора од пола лимон или екстракт од лимон
- За посипување
- по потреба шеќер во прав
Подготовка
Жолчките ставете ги во садот за матење и со вилушка или лажица убаво испасирајте ги. Потоа додајте ги сите останати состојки и изматете ги со миксер (со мешалките за тесто) да се изедначат, да се добие смеса како тесто. Префрлете го на набрашнета површина и со рацете направете топка. Завиткајте ја во најлонска фолија и оставете ја во фрижидер 1 час. Потоа на набрашнета површина развлечете кора дебела околу 7-8 мм и со калапчина правите колачи. Ставете ги на плех обложен со хартија и печете ги во претходно загреана рерна на 170-180 степени 10-15 мин.
Оладени посипете ги со шеќер во прав и послужете ги.