Смрзната чоколадна торта
Состојки
- 3 пак. шлаг крем од чоколадо
- 0,5 л чоколадно млеко
- 100 мл млеко
- 200 гр маргарин
- 150 гр чоколадо
- 100 гр шеќер во прав
- 2 жолчки
- 300-350 гр бисквити
- за украсување- шлаг пена, слатка павлака, рендано чоколадо.... по желба
Подготовка
Изматете ги шлаг кремите со двете врсти млеко.
Чоколадото стопете го, па оставете малку да подолади.
За тоа време изматете го маргаринот со шеќерот и жолчките, па на крај додадете го стопеното чоколадо.
Смесата истурете ја во изматениот шлаг крем и измиксирајте да се соедини.
Додадете ги бисквитите искршени на парчиња. Убаво измешајте и излијте ја смесата во калап обложен со најлон фолија. Ставете ја во замрзнувач неколку часа или преку ноќ убаво да се стегни.
Потоа одозгора филовајте по желба.
- Овде е користен калап со големина 25х35. Можите во било каква форма на калап да ја формирате тортата (кружен, долгнавест-тесен, а повисок...)
- Тортата се чува во замрзнувач, лесно се сечи откако ќе се извади и се служи непосредно по вадењето.
- Ако сакате да ја чувате во обичен фрижидер, тогаш додадете и неколку лажици мелен плазма кекс.
- Овде, еден дел од бисквитите, експериментално, за проба се кафеави. Тоа дека пред мрзнењето како да имаше посветла боја...па, сметајте дека со светли бисквити, би дошла пошарена на изглед.
- И кога сме кај сметањето, сметајте ја како некој вид полусладолед торта *_* одлична за летните денови.
Брза, лесна, чоколадна и без печење *_*