Куглоф со кус кус и мелено месо
Состојки
- 1 чаша кус кус
- 500 гр. мелено месо
- 200 гр. шампињони
- 1 главица кромид
- 2 јајца
- 2 лажици вегета
- 1/2 лажица црвен пипер
- 1/2 лажица сол
- 2 лажици презла
- малку мелен црн бибер
- за премачување на калапот
- 50-70 гр. маргарин
- прелив пред печење
- 1 јајце
- 1 лажица кисела павлака
Подготовка
Во посолена и зовриена вода (400мл.) се става кус кусот да се вари на тивок оган 10-15 минути. Откако ќе се свари кус кусот, доколку има вода се цеди од водата, но не би требало да остане вода. Се остава да олади.
Кромидот и шампињоните ситно се сечкаат, се додава меленото месо, презлата, јајцата, зачините, сол. Се убаво се измеша и се додава сварениот кус кус и потоа сите состојки убаво се измешаат и смесата се става во куглоф калап предходно обилно намачкан со маргарин. Сместата убаво со лажица се израмува и се премачкува со прелив од јајце и павлака. Се пече во рерна на 200 степени, околу 40 минути.
Откако се испече, се остава да се олади, па потоа се вади од калапот.
Се сече на парчиња и се служи.