Јагнешко со лук и моркови
Состојки
- 700гр. јагнешко месо
- 10 чешниња лук
- 2 моркова
- 100мл. црвено вино
- 100мл. топла вода
- по потреба масло, црн бибер, мешан сув зачин, сол
- За премачкување
- по потреба сенф
Подготовка
Јагнешкото месо исечете го на парчиња или може да користите цела плешка или бут.
Засечете го на повеќе места во длабочина во вид на мали џебови и во секоја вдлабнатина ставете чешне лук и парче морков.
Премачкајте го месото со поголема количина сенф, наросете црн бибер и мешан сув зачин.
Ставете го месото во тава за печење и попрскајте го со масло.
Ставете го и преостанатиот морков исечен на покрупни парчиња.
Посолете и додајте ги водата и виното.
Тавата затворете ја убаво со алуминиумска фолија и ставете ја во загреана рерна на 200 степени.
Печете 45 минути, а потоа извадете ја фолијата и превртете го месото.
Продолжете со печење уште 15 минути без фолија.