Птици
Состојки
- 2 јајца
- 100 мл масло
- 300 мл млеко
- 1 лажичка шеќер
- 2 лажички сол
- 1 (40 гр) свеж квасец
- околу 750+50 гр брашно
- Уште
- малку црн бибер во зрно, сусам по желба и 1 јајце за премачкување
Подготовка
Активирајте го квасецот во топлото млеко и со останатите состојки замесете глатко тесто. Оставете го да се дуплира.
Премесете го тестото и поделете го на поситни делчиња (30-40) во зависност колкави сакате да ви бидат птиците.
Секое делче исукајте го со рацете како кремвишла, само потенко. Врзете го еднаш и благо стегнете го јазолот. Долниот крај од јазолот благо сплескајте го и со нож направете засеци за да личи на опашка. Горниот дел, со прсти заострете го да личи на клун. На тој дел ставете бибер во зрно наместо очи. Страничните делови, односно местото каде се наоѓа јазолот и треба да претставува тело на птицата можи, но и не мора да го засечите малку со ножичка за да изгледаат како крилја.
Птиците наредете ги во подмачкана тава и оставете ги да одстојат додека рерната се загрее на 200 степени. Потоа премачкајте ги со разматено јајце, по желба можи на делот на крилјата да наросите сусам и печете ги додека одозгора благо не поруменат.