Торта тирамису
Состојки
- 4 јајца
- 120 гр шеќер
- 100 гр мелени ореви
- 2 лажици брашно
- 1/2 лажиче пециво
- 2 лажици какао
- 5 лажици стопен путер
- 1 портокал (само кората)
- Прелив
- 100 мл нес кафе
- 5 лажици рум
- 12 пишкоти
- Фил
- 1 тирамису пудинг
- 300 мл млеко
- 5 лажици шеќер
- 100 мл избиена слатка павлака
- 250 гр путер
Подготовка
Најпрво избиете ги белките со шеќерот и полека матејќи ставете ги жолчките една по една. Додајте го стопениот путер и сувите состојки полека мешајќи. Смесата печете ја во плех покриен со хартија на 180 степени.
За филот
Сварете го пудингот во млекото со шеќерот и кога ќе се олади измешајте го со избиениот путер. Потоа додајте ја избиената слатка павлака.
Сварете го кафето со 2-3 лажичиња шеќер.
Кексот поделете го на два дела по должина. На тањир ставете го едниот дел, прелијте го со неколку лажици од кафето па ставете 1/3 од филот. Пишкотите само малку макнете ги во кафето и наредете ги врз филот во три реда по 4. Над нив ставете ја и другата третина од филот. Над сето тоа ставете ја и другата половина од кексот и пак прелијте ја со неколку лажици од кафето со рум. премачкајте ја тортата со преостанатиот фил и одозгора наросете ја со какао. Среќни празници!