Јуфка со суви пиперки
Состојки
- 500гр домашна јуфка
- 2 литри вода
- 500мл млеко
- 300гр сирење
- 150гр маргарин
- 1 лажица сол
- сос
- 20 суви пиперки
- 1 китка млад кромид
- 1 чаша (200мл) доматен сос
- 1 филџан зејтин
- 1 чаша (200мл) вода
Подготовка
Водата се става да зоврие со солта. Во зовриената вода се истура јуфката и се вари 15 минути. Од како водата ќе се впие се додава и млекото и целата јуфка се истура во тава за печење. Кон јуфката се додава маргаринот, сирењето издробено, се убаво се промешува и се става во рерна да се запече. Се пече околу 15 минути на 200степени
Сувите пиперки убаво се мијат и се двојат од дршките и семенките.
Младото кромидче се чисти и се сече на парчиња. Во загреана тава се става прво кромидот и се запржува околу 3 минути. Се додаваат сувите пиперки исечени на парчиња. Пиперките и кромидот се пржат мешајќи постојано. Од време на време се налева по малку од водата и доматното пире. Смесата се пржи додека испарат течностите, а потоа се посолува и е спремна за јадење.
Овој сос често го користиме во постите, а сега во прилог на печена јуфка.