Цеце колач
Состојки
- 3 јајца
- 1 шоља(од 220мл) шеќер
- 1 шоља гриз
- 2 шољи мелени ореви
- 1 шоља млеко
- 70гр. суво грозје
- 1 пециво
- 2 рендани јаболки
- 3 лажици брашно
- 1/2 шоља масло
- Прелив
- 100гр. чоколадо за готвење(мин 70% какао)
- 2 лажици шеќер
- 4 лажици вода
- 2-3 лажици масло
- За премачкување
- по потреба мармалад од цреши
- по потреба чоколадни трошки
Подготовка
Пенесто изматете ги јајцата и шеќерот. Додајте ги гризот, млекото и маслото и матете уште малку на помала брзина.
Потоа додајте ги мелените ореви, сувото грозје, ренданите јаболки и брашното измешано со пецивото.
Убаво измешајте со дрвена лажица и истурете ја смесата во округол калап или плех, претходно премачкан со масло и посипан со брашно.
Печете на 180 степени, 40 минути( зависно од печењето на рерната).
Испечената торта оставете ја да се олади, а во меѓувреме направете го преливот така што сите состојки за преливот ставете ги во сад на пареа и мешајте додека убаво се растопи чоколадото и шеќерот.
Изладената торта премачкајте ја со мармаладот, а потоа целата торта посипете ја со преливот и наросете чоколадни трошки.