Мафини од Таглиатели со пилешко месо
Состојки
- 200 гр. пилешки гради
- 250 гр. таглиатели
- 1 мала главица кромид
- 2 моркови
- 75 гр. грашак
- Прелив
- 5 јајца
- 200 мл. павлака за готвење
- 200 мл. млеко
- 100 гр. гауда рендана (може и друг кашкавал)
- За премачкување на калпчињата
- 50 гр. лебни трошки
- 20 мл. зејтин
Подготовка
Вкусни и малку поинакви мафини, кои може да ги послужите во секакава пригода, за прослави, за ручек, предјадење....поготовката е лесна, а вкусот им е мммммм.....
Таглиателите сварете ги според упатството на опаковката. Пилешките гради исечете ги на тенки ленти. Кромидот и морковите ситно исецкајте ги. Во едно тавче загрејте малку зејтин и испржете го месото. Кога ќе е готово извадете го на страна. Во истото тавче испржете го кромидот и морковите. Кога ќе омекнат, додадете го прженото месо, грашакот и сварените и исцедени тестенини. Убаво измешајте.
Калапите за мафини намачкајте ги со зејтин и посипете со лебни трошки. Од смесата со тестенини ставајте во секое калапче и притиснете малку со прстите.
Во еден длабок сад изматете ги јајцата и додадете ги млекото, павлаката и кашкавалот. Посолете и побиберете по вкус. Со ова се преливаат тестенините.
Се пече на 175°Ц околу 25 мин.
Послужете со свежа салата по ваш избор.
Напомена ~ јас користев грашак од конзерва. Доколку користите свеж грашак, во тој случај ќе треба претходно да го сварите.
Добар апетит!