Мекици за внуката
Состојки
- 250мл млеко
- 250мл млака вода
- 1 свеж квасец
- 3 јајца
- 3 лажици зејтин
- 1 лажичка пециво
- 1 лажичка сол
- 500-600мл зејтин за пржење
- 1 кг брашно
Подготовка
Квасецот се става во млаката вода да стаса. Се додава и 1 лажица шеќер и 2 лажици брашно.
Одкако ќе стаса се замесува меко тесто со јајцата, брашното, млекото и зејтинот. Тестото убаво се меси додека се добие мазно тесто .
Повлечете со рака од тестото и ако не се кине или двои тогаш е добро. Вака подготвеното тесто оставете го да стасаува околу 40 минути (се разбира тоа зависи од температурата во просторијата, ако е потопло времето се скратува)
Стасаното тесто се премесува и се остава да одмори, да стаса уште еднаш.
Во подлабока тава се истура зејтинот и се става да се загрее. Од тестото со намрсени раце се откинуваат топчиња кои се развлекуваат на рака и се пржат.
Вака подготвените мекици се служат со сирење, а може и со мармалад.