Леб од пченкарно брашно со јогурт
Состојки
- 700 гр пченкарно брашно
- 300 гр бело брашно
- 400 мл јогурт (собна температура)
- 200-250 мл топла вода
- 40 гр квасец
- 1 лажиче шеќер
- 1и 1/2 лажиче сол
- 5 лажици маслиново масло или обично
Подготовка
Квасецот растворете го со малку вода, брашно и шеќерот.
Во сад ставете ги пченкарното и белото брашно, солта, маслото, јогуртот и растворениот квасец и со постепено додавање на водата замесите средно не лепливо тесто. Количината на водата зависи од густината на јогуртот затоа додавајте по потреба.
Тестото оставете го да скисне на топло (најдобро на тенџере со топла вода) околу еден час. Потоа префрлете го на набрашнета површина, размесете две долгнавести лебчина и ставете ги во набрашнето плехче.
Оставете ги да скиснат 35 мин и ставете ги да се печат на 200 степени околу 50-60 минути.
Готовите лебчина покријте ги и оставете ги да смекнат и оладат.