Ориз со пилешко и печурки
Состојки
- 250гр. ориз
- 1 помала главица кромид
- 1 морков
- 1 батак со карабатак
- 250гр. свежи шампињони
- 2 лажици сецкан магдонос
- по потреба мешан сув зачин, црн бибер, масло
Подготовка
Во поголема количина вода ставете го оризот да се вари, но внимавајте да не се превари многу.
Сварениот ориз исплакнете го со ладна вода и оставете го да се исцеди.
Во тава на оган ставете масло и додајте го сецканиот кромид, ренданиот морков, сварениот батак исцепкан на ситни парчиња и печурките исечени на ленти.
Пржете додека печурките и кромидот омекнат.
Во тавата додајте го сварениот ориз, магдоносот и зачинете со мешан сув зачин и црн бибер.
Убаво промешајте и послужете.