Безеље на мој начин
Состојки
- 5 парчиња бамја
- 200 гр пченка
- 200 гр ситно сецкан морков или 2 големи моркови отприлика
- 400 гр безеље (грашок )
- 1голем компир сецкан на коцкички
- 500гр свинска кртина
- 150 гр масло
- 1 супена лажица мешан зачин
- 1главица кромид ситно сецкан
Подготовка
Ајде да го споделам и денешниот ручек со вас......
1. Го ставаме месото малку да се обари, во посолена вода.
( вода додаваме колку да го покрие мевцето. )
2. Оставаме настрана да се вари на тивко, со затворен капак.
3. Динствуваното мевце, е спремно за запржување, кога водата му е скоро испарена и додаваме масло.
4. Зачинуваме и пропржуваме. Додаваме и малку босилек.
(Јас многу го сакам и обично го користам при подготовка на зеленчуковите супи, во риба и во тестенини.....)
5. Се обаруваат безељето, морковот и ситно сецканиот компир.
(Компирот пошто е ситно сецкан, лупен, ќе се свари доволно за да остане цел да не се раскашавува. )
6. Го вадиме мевцето на стана и во истоото масло го пржиме ситно сецканиот кромид.
7. Откако ќе омекне и добие некоја прозирна боја, се додаваат претходно обарените зеленчуци и бамјите. Пропржуваме уште малку да добијат на вкус зеленчуците.
8. Се сервира по желба.
Во мојот дом го сакаат топло, па затоа на чиниите не им треба миење воопшто.
На фотографијата ќе забележте и некое необарено зрнце, но тоа е колку да ја направам пошарена фотографијата, а искрено и воопшто не ни смета ако безељето не е варено, туку само одмрзнато хахха...
На здравје