Колач со јаболка без зејтин
Состојки
- 1 чаша-200мл шеќер
- 1 чаша вода
- 1 чаша рендани јаболка
- 1 чаша сецкани ореви
- 1 1/2 чаша брашно
- 1 лажичка сода бикарбона
- 3 лажици мармалад од сливи
- 5 лажици гриз
Подготовка
Јаболката се рендаат на покрупната страна од ренде и се наросуваат со гризот.
Во поголем сад се става шеќерот и се налева со водата. Се меша додека шеќерот се растопи. Во растопениот шеќер се додава мармаладот и убаво се меша да се соедини со шербетот.
Полека се додава брашното, оревите и на крај јаболката со гризот.
Целата смеса убаво се меша и се сипе во набрашнета тепсија и се става на печење. Се пече околу 25 минути на 180.
Колачот е без зејтин но јаболката му даваат дополнителна влажност и вкус.