Бајадера торта
Состојки
- за двете теста
- 5 јајца
- 5 лажици шеќер
- 1 ванила
- 2 лажици какао
- 4 лажици ореви
- 1 лажиче пециво
- 2 лажици брашно
- фил
- 1/2 л. млеко
- 350 гр. мелени ореви
- 100 гр. мелени бисквити
- 1 путер
- 200 гр. прав шеќер
- глазура
- 200 гр. чоколадо
Подготовка
Се матат јајцата и шеќерот се додека смесата не се згусне, потоа се додаваат останатите состојки потребни за двете теста и се мешаат со лажица. Се пече во тавче бр 28 округло обложено со хартија или во силиконски калап на 200 степени околу 20 минути. Се печат две теста и од тие две теста се сечат 2 - 4 кори.
Млекото, мелените ореви и мелените бисквити кои се потребни за филот се ставаат во тенџере да зовријат, а откога ќе зовријат се остава да се оладат.
Путерот и прав шеќерот се матат и се мешаат со оладениот фил. Се става кора, па се мачка со фил, па кора па фил и се така додека не стигнеме до последната кора на која не се става фил, туку се прелива со глазурата од чоколадо.