Компир салата со јаболко и ореви
Состојки
- 5 компира
- 1 зелено јаболко
- 2-3 лажици мајонез
- 50гр сецкани ореви
- 1 лажица магдонос
- сок од пола лимон
- по потреба сол
Подготовка
Еве уште еден експеримент за компир салата.
Во подлабок сад исецкајте ги на поголеми парчиња варените компири.
Додајте го јаболкото исечено на помали коцки, покрупно сецканите ореви, магдоносот и мајонезот.
Убаво измешајте ја салатата, а потоа посолете и додајте го сокот од лимон.
Уште еднаш промешајте и послужете.
Салатава е брза, вкусна и многу освежителна.