Тестенини со туна и печурки
Состојки
- 500 гр. тестенини фарфали(машнички)
- 60 гр. путер
- 1 лажица маслиново масло
- 1 глава кромид
- 1 чешне лук-издробен
- 200 гр. печурки маринирани
- 250 мл. неутрална павлака
- 450 гр. туна од конзерва
- 1 лажица лимонов сок
- 1 лажица сечкан магданос
Подготовка
Се варат тестенините во солена зовриена вода, се цедат и повторно се враќаат во тенџерето. Додека тие се варат на страна се загрева путерот и маслото во тавчето. Се додава ситно исечканиот кромид заедно со лукот и се пржи додека кромидот не омекне. Се додаваат печурките исцедени и се пржат уште две минути. Се додава павлаката и се вари се заедно додека смесата не се згусне. Се додава туната и лимоновиот сок, магданосот, сол и бибер по желба и со таа смеса се преливаат фарфалите. Малку се протресува преливот убаво да навлезе во тестенините.