Видео рецепт: Солени палента коцки со два соса (Посен и со сино сирење)

Палентата потекнува од северниот дел на Италија и е главна состојка на многу јадења во тој регион – со неа може да се направат многу разновидни јадења и еве еден одличен начин на кој може да подготвите солена торта од палента која може да се сече на кришки и да се послужува со разновидни преливи.

Состојки

За солените коцки од палента ќе Ви треба:

• 250 гр. палента
• 250 мл. млеко
• 100 гр. путер

За вегетаријански сос ќе Ви треба:

• 4 печени пиперки
• 1 конзерва исецкани домати
• 1 рака спанаќ

За сос од сино сирење ќе Ви треба:

• 100 гр. сино сирење
• 50 гр. путер
• 4 супени лажици брашно
• 100 мл. млеко

Ќе ви треба и:

• Сол, бибер и маслиново масло

Вид на оброк: Вечера
Комплексност: Лесно
Лица: 2
Време на подготовка: 30-60 мин.

За подготовка на овој рецепт користиме Делимано Касерола, Делимано Округла тава, Делимано Тава за пржење и Делимано Сад за сос.

Подготовка

Чекор 1: За да ја подготвите палентата прво стопете го путерот на малку масло. Стоплете го млекото, па потоа додадете ја палентата. Постојано мешајте. Додадете сол и бибер по желба и, доколку има потреба, можете да додадете и вода или млеко.

Кога палентата ќе биде готова, ја истураме во Делимано Округлата тава, со лажица ја измазнуваме и ја ставаме во фрижидер.

Чекор 2: За овој рецепт подготвуваме 2 соса – едноставен вегетаријански сос од печени црвени пиперки и домати од конзерва. Исечкајте 4 пиперки и гответе ги заедно со доматите од конзерва. Сосот богато зачинете го.

Чекор 3: За подготовка на сосот од сино сирење, прво во тавата за пржење стопете го путерот. Во него го додаваме брашното и убаво мешаме додека малку не пожолти. Го додаваме ладното млеко и мешаме додека бешамел сосот да ја добие потребната густина. Користете ладно млеко за да не се појават грутки во сосот. Ги додаваме парчињата сино сирење и добро промешуваме. Оставете малку од синото сирење за декорација при сервирањето.

Чекор 4: По 1 час извадете ја тортата од палента од фрижидер и исечете 4 парчиња. По 2 парчиња ќе послужиме со секој од сосовите. Врз вегетаријанскиот сос ставете исечкан жив спанаќ. Другото парче полејте го со сосот од сино сирење и одозгора ставете парчиња од сирењето.

СОВЕТ: Откако ќе го направите овој рецепт, можете тортата да ја исечете на парчиња кои ќе ги замрзнете - извадете едно парче од фрижидер неколку часа претходно и уживајте во него за појадок во комбинација со јајца или пак за вечера заедно со пилешко и добар сос.