Мафини со чоко попс
Состојки
- 150 гр чоко попс
- 100 гр чоколада за готвење
- 150 гр путер
- 3 јајца
- 50 гр шеќер во прав
- 30 гр брашно
- 10 гр прашок за пециво
- За декорација
- 2-3 лажици мед
- по потреба шарени мрвици
Подготовка
1. Чоко попсот сомелете го со машинче за мелење ореви.
2. Путерот ставете го да се стопи и оставете го малку да олади.
3. Чоколадата стопете ја на пареа.
4. Јајцата, шеќерот и путерот изматете ги со миксер, додајте ја стопената чоколада и повторно изматите. На крај додајте го чоко попсот, брашното пецивото и кратко изматите да се изедначи смесата.
5. Смесата распоредете ја во калап за мафини обложен со хартиени кошнички.
6. Ставете ги да се печат во загреана рерна на 180 степени 15 до 20 минути.
7. Готовите мафини намачкајте ги со малку мед и украсете ги со шарени мрвици.