Зелка салата со кикирики
Состојки
- За салатата
- 400 гр. зелка - кинеска
- 2 броја моркови
- 2 страка млад кромид
- За преливот
- 50 гр. нелупени непечени кикиритки + 2 лажици зејтин
- 2 лажици мед или шеќер
- 1 лажица соја сос
- 3 лажици оцет
- 1 лажица ладен сусамов зејтин
- 1 лажичка сол
- 2 лажици вода
- 1 чешне лук
Подготовка
Необична може ви се чини според преливот, но да дознаете колку е вкусна, ќе мора да си ја спремите. Запишан ви е оригинал рецептот, но трпи и измени доколку ги немате сите намирници
Постапка
1. Исечете ја зелката покрупно, на ленти исечете морковот, на трклаца исечете го младиот кромид заедно со перцата- зелениот дел- сето ова ставете во садот во кој ќе ја спремите салатата.
2. Кикиритките испржете ги во сад со 2 лажици зејтин, тргнете ги и извадете, оставете нека оладат. Зејтинот зачувајте го.
- Оладените кикирики истолчете ги.
3. Во сад ставете медот или шеќерот, солта, соевиот сос, водата, лукот, зејтинот од сусам, оцетот, измешајте, додадете ги толчените кикиритки и зејтинот кој остана од нивното пржење.
4. Сосот истурете во предхоно здорбеното за салатата, измешајте. За вкус пробајте и додадете сол или едноставно прилагодете за киселот или солено според вашиот вкус.
Салатава вреди навистина.
Забелешка
- Доколку немате соев сос, изоставете го, исто така е добра салатата и без него, секако позбогатен е вкусот доколку се постапи по рецептот, ова го пишувам заради тоа што можеби во моментот немате или некој не сака да консумира соев сос.
- Ако немате зејтин од сусам, заменете го
Салатата има поинтензивен вкус доколку предстои најмалку барем 3-4 часа, а фантастична за наредниот ден, затоа јас ја спремам одвечер.