Јогурт торта со јагоди и мед
Состојки
- Кора
- 4 жолчки
- 4 белки
- 10 гр мед
- 100 гр шеќер
- 1 лажица млака вода
- 70 гр брашно
- 30 гр нишесте
- 12 гр какао
- 10 гр прашок за пециво
- Фил
- 2 кесички(80гр) шлаг
- 200 мл ладно млеко
- 2 лажици мед
- 500 мл јогурт од јагоди
- 200 гр сецкани јагоди
- 5 листови желатин
Подготовка
Подготовка на кората
Жолчките изматете ги со шеќерот и медот во кремаста и бела смеса.
Белките изматете ги со прстофат сол во снег и додајте ги во смесата од жолчки. Измешајте ги со лажица или жица.
Брашното, нишестето, какаото и пецивото измешајте ги, додајте ги во смесата и измешајте ги да се изедначат. Истурете ја во намачкан и набрашнет калап (26) и печете ја околу 15 мин на 180 степени.
Подготовка на филот
Желатинот ставете го во ладна вода 10 мин да омекне.
Шлагот изматете го со млекото и медот. 100 мл од јогуртот ставете да се загрее, додајте го желатинот, измешајте го да се стопи и додајте го во шлагот. Додајте ги јагодите и преостанатиот јогурт и измешајте ги.
Филовање
Печената и оладена кора поделете ја на половина. Едната половина ставете ја во калапот, ставете половина од филот, поклопете го со втората половина од кората и ставете го останатиот дел од филот.
Наросете ја со несквик и ставете ја во фрижидер да се стегне неколку часа, потоа послужете ја.