Видео рецепт: Чили со мешан грав

Овој рецепт е многу едноставен, но сигурни сме дека ќе стане омилен за оние кои сакаат да се хранат здраво. Ова е слатка зачинета манџа направена со слатка пченка, црвен и обичен грав која ги содржи сите состојки потребни за да имате енергија во текот на денот, но таа исто така го продолжува животниот век.

Состојки

• 1 конзерва слатка пченка
• 1 конзерва црвен грав
• 150 грама обичен грав
• 2 до 3 лажици лут црвен пипер
• 250 милилитри доматна пасата
• 3 лажици доматно пире
• 1 голема главица бел кромид
• 3 до 4 чешниња лук
• сол и бибер
• маслиново масло

За подготовка на овој рецепт користиме Делимано Експрес лонец.

Подготовка

Чекор 1: Подготовката на овој рецепт е многу лесна – полесна не може да биде. Крупно исечкајте ги кромидот и лукот и ставете ги сите состојки во експрес лонецот – со додавање на обилна количина доматно пире можете да одредите колку јадењето е зачинето, а тоа дополнително ќе го згусне сосот и ќе му даде боја.

Јадењето гответе го 45 минути со регулаторот поставен на 2 и кога ќе биде готово ослободете го притисокот.

Чекор 2:Чилито го сервираме со басмати ориз. Со лажица ставете од чилито врз оризот и спремни сме за јадење!

СОВЕТ: Чилито со грав може да се сервира и самостојно како супа. Ако претпочитате помалку зачинета храна, Ви препорачуваме лутиот црвен пипер да го замените со благ бидејќи готовиот рецепт треба да биде барем малку зачинет.