Посно благо лепче (без масло)
Состојки
- 1 кг брашно
- 150 гр шеќер
- 3-4 ванили
- 1 сув квасец
- 1/2 лажиче сода бикарбона
- 1 лажиче цимет
- суво овошје јаготки, смокви, ананас, урми
- 2 чаши вода
Подготовка
Најпрво активирајте го квасецот во една чаша млака вода, со малку шеќер и брашно. Потоа додајте го шеќерот, содата, циметот и брашното. Турајте од другата чаша вода и малку измесете го. На крајот додајте го и исечканото суво овошје (видот и количината ви е по желба) и уште малку измесете го. Треба да не е многу меко, тесто како за леб. Тепсијата во која ќе го печете набрашнете ја и формирајте го лепчето. Оставете го да се одмори десетина минути и ставете го во ладна рерна. Приклучете ја на 180 степени. Печете го можеби 1 час, а после половина покријте го со фолија.