Портокал торта
Состојки
- 2+1 портокали
- 200+300 гр шеќер
- 2 чаши (200мл) вода
- 4 јајца
- 250 гр кисела павлака
- 350 гр брашно
- 250 гр маргарин
- 1 пециво
Подготовка
Најпрвин земаме два портокали убаво ги миеме и ги сечеме на кругови.
Две чаши вода со 200 гр шеќер ставаме да зоврие и да вари 10 минути потоа ги додаваме круговите од портокалот и оставаме да варат уште 15 минути. Ги тргаме настрана и ги вадиме круговите портокали во чинија да оладат. Остатокот, еден портокал го лупиме делиме на парчиња ги острануваме семките и го блендираме портокалот.
Јајцата ги делиме белките од жолчките. Белките ги матиме со 150 гр шеќер во цврст снег. Жолчките ги матиме со преостанатиот 150 гр шеќер и го додаваме маргаринот исецкан на парчиња но претходно отстојан на собна температура. Кога ке се соедини маргаринот ја додаваме павлаката и блендираниот портокал. Со лажица постепено го додаваме и снегот од белките, го соединуваме и го додаваме брашното промешано со пециво.
Тавче бр 26 го намрсуваме со малку масло и посипуваме со шеќер убаво да се распореди по дното, а вишокот го истураме. Ги редиме круговите портокали, па ја истураме смесата за тортата. Печеме на 180 околу 50 минути ја проверуваме со чепкалка.