Пинџур од суви пиперки и салца
Состојки
- 15 до 20 суви пиперки
- 500 гр домашна доматна салца
- 4 до 5 чешниња лук
- 4 лажици ладно цедено маслиново масло
- неколку гранчиња свеж магдонос
Подготовка
Сувите пиперки исчистете ги од дршките и ставете ги во тенџере со вода да се варат околу 30 минути, но да не ги преварите, лушпата не треба да се оддели. Вака обарените пиперки ставете ги малку да се оладат. Салцата од домати ставете ја на огин со малку масло да се пржи. Изладените обарени пиперки ставете ги во блендер заедно со малку обарениот лук. Изблендирајте ги во кремаста смеса. Вака подготвената смеса посолете ја и ставете ја во салцата да се пржи со маслиновото масло.Доволно е 5 минути за да се соединат двете смеси. На површината додадете свежо исецкан магдонос. Добар апетит!