Компир салата со ракчиња
Состојки
- 500гр. компири
- 1 главица кромид
- 3 варени јајца
- 250гр. ракчиња
- 1,5 лажици магдонос
- 3 лажици брашно
- по потреба маслиново масло, сол, црн бибер, јаболков оцет
Подготовка
Компирите сварете ги и исечете ги на покрупни парчиња.
Додајте ги сецканите варени јајца и сецканиот кромид.
Ракчињата свалкајте ги во брашно и сосема кратко запржете ги на загреано масло. Исцедете ги од вишокот мрснотија и ставете ги во садот со останатите состојки. Додајте го магдоносот и зачинете со малку сол, црн бибер. Додајте масло, малку оцет, убаво измешајте и послужете.