Чоколаден пудинг во чаша
Состојки
- 1 литар и 250 мл. млеко
- 250 мл. вода
- 15 лажици шеќер
- 8 лажици густин(може пола брашно,пола густин)
- 2 лажици какао
Подготовка
Млекото ставете го да се загрее, водата измешајте ја со останатите состојки додека се изедначи и нема грутчиња.
Кога млекото ќе почне малку да зоврива по малку сипувајте од смесата и постојано мешајте додека се згусти. Не треба многу да се густи како за фил за торта. Откако малку ќе згусти сипете во чаши навлажнети со вода или мали садчиња. Ставете ги во фрижидер да се изладат и стегнат.
Од оваа доза излегува 6 чаши од 250 мл. .
Пудингот е прекрасен како оние од пакетче за пудинг од чоколадо, може да се додава бисквити, кокос,....