Бели пралини со пудинг од боровинка
Состојки
- За чоколадирање
- 250гр. бело млечно чоколадо
- За полнење
- 1 пудинг од боровинки
- 500мл. млеко
- 4 лажици шеќер
- 2 лажици густин
- 125гр. маргарин
- 100гр. шеќер во прав
- 1 ред сецкано бело млечно чоколадо
Подготовка
Колачиња кои често си ги спремам настојувајки секој пат да имат поинаков вкус. Овој пат сакав да испробам каков вкус ќе имаат со пудинг.
На тивок оган ставете го млекото и шеќерот и мешајте додека шеќерот се стопи. Потоа во тенџерето додајте го прашокот за пудинг и густинот и мешајте постојано, додека смесата се згусти.
Тргнете го тенџерето од оган и оставете го да се излади.
Во мегувреме во сад за матење ставете го омекнатиот маргарин и шеќерот во прав и изматете ги пенесто, а потоа додајте ги кон изладената смеса и изматете ги заедно.
Во сад на пареа ставете го чоколадото да се топи и со него чоколадирајте ги силиконските калапчиња. Ставете ги во фрижидер да се стврдне чоколадото, а потоа во секоја вдлабнатина од калапите ставете до половина од смесата, а одозгора ставете по малку сецкано чоколадо. Нанесете уште еден слој од смесата и ставете во фрижидер да се стегне. Извадете ги од фрижидер и затворете го секое колаче со еден слој растопено чоколадо.
Вака подготвените пралини ставете ги во фрижидер да отстојат 1 час.