Киш со праз
Состојки
- За тесто
- 300 гр. брашно
- 1 прашок за пециво
- 140 гр. путер
- 1 јајце
- 1 супена лажица кисела павлака
- За прелив (фил)
- 250 гр. праз
- 2 јајца
- 200 гр, кисела павлака
- 1 лажичка мешан сув зачин
Подготовка
Се меша брашното со прашокот за пециво. Се додава омекнатиот путер и добро се обработува. Настрана се мати јајцето со павлаката и се додава во брашното. Се измесува и се остава еден час во фрижидер (покриено со фолија)
За тоа време празот се сецка на ленти и се бланшира во врела вода да омекне. Неколку ленти се оставаат за украс, а останатите се сецкаат ситно.
На страна јајцата се мешаат со останатите состојки.
Тестото се вади од фрижидер и внимателно се расукува на работната површина во ширина на плехот во кој ќе се пече (во форма на круг).
Се префрла во плехот, претходно подмачкан со путер или маргарин, се боцка со виљушка и се остава да се одмори уште половина час.
Празот се распоредува врз тестото и се прелива со филот од јајца и павлака. Се украсува со лентите од праз и се пече во претходно загреана рерна најпрво на 220 степени, а потоа се намалува на 190-200 степени.
Се сервира за појадок, како предјадење или за вечера...