Слатка салама
Состојки
- 2 листа обланди
- 200 гр шеќер
- 200 гр мелени ореви
- 200 гр кршени бисквити
- 200 гр сецкани урми
- 200 гр суво грозје
- 200 гр чоколада за готвење
- 4 лажици какао
- 150 мл. вода
Подготовка
1. Листовите обланди се ставаат во влажна крпа да омекнат додека го приготвуваме филот.
2. Шеќерот, какото, водата и чоколадата се ставаат на оган се додека не се растопи чоколадата и сите состојки не станат една смеса.
3. Во подлабок сад се ставаат останатите намирници и кога претходната смеса е готова се прелеваат намирниците. Сето тоа добро се меша.
4. Го делиме филот на два еднакви дела, го распоредуваме на крајот од обландата и завиткуваме во ролат.
5. Убаво го виткаме ролатот и го оставаме да се излади.
6. Сечеме на парчиња и сервираме.
На здравје