Амајлии со сирење
Состојки
- Тесто
- 1 чаша(од200 мл) млеко
- 1 чаша вода
- 1 чаша масло
- 3 јајца
- 2 лажички сол
- 1-1,2 кг брашно
- Фил
- 1 кг урда сирење
- За прскање на корите
- по потреба масло
- За посипување на корите
- 200 гр или по потреба нишесте
Подготовка
Во сад ставете ги млекото, водата, маслото, јајцата, солта и со брашното се замесува тесто.
Тестото се дели на 10 топки. Се зама една топка и се дели на 4 топчиња. Секое топче се расукува во мала кора, се редат една над друга, а имеѓу нив се става нишесте. Се сучи голема тенка кора. Кората се прска со масло. Од горната страна се превиткува до повеќе од половина и превитканиот дел се прска со масло. Се превиткува од долниот дел до повеќе од половината да изгледа како правоаголник и повторно се прска со масло.
Така оформена како правоаголник се превиткува од десната страна некаде до половината да излезе квадрат, се прска со масло, се става сирењето и се поклопува од левата страна. Се прска со масло и повторно се превиткуваат краевите да излезе како плик.
Истата постапка се повторува со останатите 9 топки.
Се редат на намрсен плех, се прскаат со масло и се печат во претходно загреана рерна на 180-200 степени околу 25-30 мин.
Печени се сечат дијагонално и излегуваат 40 триаголници.