Баклава со јаболка
Состојки
- 1/2 кг готови кори
- 150 гр ореви
- 1,5 кг јаболка
- 5о мл зејтин
- 100 мл топла вода
- ЗА ПРЕЛИВ
- 250 гр шеќер
- 80 гр путер
- 300 мл вода
- 1 лажиче цимет
Подготовка
1. Рерната се вклучува на 200 ст. Ц, јаболката се лупат и се рендаат, оревите се сецкаат(јас ги ставив во најлон и одозгора со оклагија ги притискав). Се мешаат јаболката и оревите.
2. Тавчето се премачкува со малку зејтин, се става кора и се попрскува со мешавина од зејтинот и водата. Врз неа се става друга кора и таа се попрскува. Се става од филот со јаболка, секаде рамномерно. така се прави се додека се истрошат сите кори и целиот фил. Одозгора се завршува со кори. Се прелива со остатокот од мешавината вода-зејтин и се сече на коцки.
3. Се пече 35 мин.
4. Се вари прелив од наведените состојки и се прелива додека е топло. Се остава да се излади.
Ова е една многу лесна, не многу блага и вкусна баклава. Пребарувајки на интернет, кога ја најдов, воопшто не се двоумев да ја направам. И не погрешив.