Њоки Ала Дали
Состојки
- 350 гр готови њоки (може и домашни)
- 250мл цели парчиња домати од конзерва
- 100 гр свински врат
- 100 гр тврд кашкавал
- 1 лажичка сув босилок
- 1 лажичка оригано
- по желба сол
- 2 чешниња лук
- 20 гр пармезан
- 20 гр путер
Подготовка
Јас користев свежи готови њоки и не ги обарував претходно како вообичаено.
Во тава ставете путер и пржете го свинскиот врат исецкан на коцки. Кога ќе порумени додадете ги њоките и пржете го околу 5 минути. Додадете ги парчињата конзервиран домат, посолете, додадете и малку вода, сецкано лукче, босилок и оригано. Оставете ги така њоките да се обарат и да примат од сосот околу 10 тминути, со повремено мешање на тивок оган. Тргнете ги од оган изрендајте тврд кашкавал и сервирајте ги во чинија. Наросете со пармезан и послужете. Пријатен апетит.