Бомба торта
Состојки
- Потребни состојки за пандишпанот
- 9 јајца
- 9 лажици шеќер
- 13 лаж брашно
- 1 пециво
- Потребни состојки за кремот
- 1 л млеко
- 10 лажици шеќер
- 6 жолчки
- 8 лажици брашно
- 250 гр маргарин
- 250 гр прав шеќер
- 100 гр желе бомбони
- 250 гр суви смокви
- 200 гр чоколада
- 200 гр сецкани ореви
Подготовка
Подготовка на пандишпанот.
Се матат јајцата со шеќерот, потоа се додава брашното во кое е измешано пецивото. Тортата ја печеме во поголем плех, но да не е многу првоаглест. Мал дел од тората ставаме и во мал округол плек бр 24см, тој ќе биде дното на тортата.
Подготовка на кремот.
Во половина од млекото ставаме шеќер и го ставаме да зоврие. Во остатокот ги ставаме жолчките и брашното и ги матиме, а потоа додаваме во врелото млеко и вариме пудинг. Кога ќе се олади го соединуваме со претходно изматен маргарин со прав шеќер.
Овој крем го делиме на три дела во еднот ставаме сецкани ореви и сецкани желе бомбони, во вториот растопена чоколада, а во третиот сецкани смокви.
Филување на тортата.
Земаме вангла не многу голема ставаме најлонска фолија или фолијата на која се печела тортата, па го ставаме големиот пандишпан, убаво го местиме и ги додаваме филовите - прво филот со ореви па филот со чоколада и на крај филот со сецкани смокви и заклопуваме со округлата кора. Ставаме во ладилник да се стегне, по 2 часа ја вадиме тортата и ја обнуваме на чинија со горниот дел надолу. Декорирајте по желба.