Пилешко со блитва и крем сирење
Состојки
- 3 батаци со карабатак(или 6 обични батаци)
- 500гр. блитва
- 200гр крем сирење
- 100гр. рикота
- 50гр. пармезан
- 1чешне лук
- 1 филџан млеко
- по потреба сол, црн бибер, маслиново масло.
Подготовка
Најпрвин сварете ги батаците, а потоа оделете го месото и искинете го на мали парчиња.
Во тава на оган ставете малку маслиново масло и кратко пропржете го чешнето лук.
Потоа додајте ја блитвата искината на поголеми парчиња.
Кратко пропржете ја и додајте го месото, крем сирењето, рикотата и пармезанот. Зачинете со сол и црн бибер, додајте го млекото и покријте ја тавата со капак и оставете ја на тивок оган 10 мин.