Пилешки џигер со гарнир од пире и брокула
Состојки
- 500 гр пилешки џигер
- 1 главица кромид
- 200 мл павлака
- 3 чешниња лук
- 50 гр кашкавал
- 100 мл млеко
- 3 компири
- 2 моркова
- пола главица брокула
- сол,бибер куркума,оригано
Подготовка
Во тава за пржење се става прво џигерот со малку вода да се динста. Кога ќе испари водата малку измијте го со млака вода во истото тавче, додадете масло и ставете го да се пропржи малку да поцрвене. Потоа додадете ја главицата кромид сецкана на ситно и лукчето. Пропржете ги малку.
Додадете ја павлаката и кашкавалот и оставете да се стопи кашкавалот. Сега додадете го млекото и зачините и оставете се да се соедини околу 5 мин.
Во посебно тенџерче ставете да се вари компирот со морковот. При крај на варењето додадете ја брокулата и доварете.
Откако се ќе се свари извадете ја брокулата, а компирот и морковот направете ги пире.
Сето ова сервирајте го во тањир со прекрасна салата од кисела зелка и една греена ракија.
Добар апетит