Пилешко со кикирики и праз
Состојки
- 250 гр пилешки стек
- 1 страк праз
- 100 гр исчистени и непржени кикирики
- 1 лажиче чили
- 50 мл зејтин
- 1 лажица густин
- 50 мл соја сос
- 2 чеш. лук
- 1 лажиче ѓумбир во прав
- 2 лажчиња густин
- 100мл вода
- 50мл бело вино
- 1 лажица смеса од суви зачини
Подготовка
1. Стекот се сече на коцкички и се посипува со густин.
2. Празот се сецка на тркалца и добро се мие под јак млаз.
3. На загреан зејтин се печат кикириките(кратко со мешање), па се вадат во чинија настрана.
4. Во истиот зејтин се пржи пилешкото(исто кратко, само 2-3 мин) и се вади настрана во чинија.
5. Во истиот зејтин се пропржува празот со исецканото чили пиперче, па се враќаат кикириките и пилешкото.
6. Во водата се разматува густинот, се додава исецканиот лук, соја сосот, ѓумбирот, смесата од суви зачини и белото вино. Се прелива пилешкото и се остава малку да прокрчка, додека сосот се згусне.
Се сервира со варен ориз. Пилешкото може да се замени со свинско месо.
Ова кинеско јадење, не само што е многу вкусно, но е и многу евтино, а да не зборам колку брзо се подготвува. Мене ме чинеше помалку од 150 ден., а го приготвив за 15-ина минути.