Интегрално ризото
Состојки
- 120гр интегрален ориз
- 1 модар патлиџан
- 150гр габи од конзерва
- 250 гр лупени домати
- 1 морков ситно исецкан
- 1главица кромид ситно исецкан
- 2-3 лаж. маслиново масло
- 10листа босилок
- 1кг вода
Подготовка
Овој рецепт е многу здрав и диетален.
Ризотите скоро секогашс содржат путер и пармазан кој се многу калорични, сшто не е случај во следниот рецепт.
Започнуваме со подготовка.
Во тава на оган ги ставаме маслиновото масло, кромидот и морковот. Пржиме на тивок оган додека не омекнат. Во меѓувреме ја ставаме водата во тенџере на оган. Модриот патлиџан го сечеме на коцкички и го додаваме во тавата, ги додаваме габите и доматите. Пржиме додека не зарумени. Потоа го додаваме оризот и пржиме уште 2 минути. Посолуваме и ја налеваме топлата вода во тавата. Поклопете ја тавата со капак и варете околу 20 минути со повремено бркање. Интегралниот ориз бара повеќе вода, па пробајте ако не е сварен долејте уште малку. Откако ќе биде готов додајте ги босилокот, магданосот и побиберете. Добар апетит