Ролат пица
![Ролат пица](https://moirecepti.mk/content/uploads/2012/12/SAM_1404-300x300.jpg)
Состојки
- 500 гр. Готови кори за пита
- Прелив за премачкувње на корите
- 3 јајца
- 200 мл. кисела павлака
- 100 мл. зејтин
- малку дол
- За фил
- 400 гр. шунка (рендана)
- 400 гр. кравји кашкавал
- малку оригано
Подготовка
Најпрво се подготвува преливот за премачкување на корите. Јајцата се матат со вилушка, се додава киселата павлака, зејтинот и сол, се меша убаво да се добие хомогена смеса.
Во пакувањето од 500 гр. кори, имав 17 кори, и направив 5 ролати (2 ролати од 4 кори и 3 ролати со по 3 кори).
Секоја кора се премачкува со отприлика 2 лажици од преливот за премачкување на корите, се редат 4 кори една врз друга и на последната се распоредува од шунката и кашкавалот, се посолува и малку оригано. Се подвиткуваат корите од страните и се витка ролат. Истата постапка се повторува и со останатите кори. Добиените ролати се редат во плех обложен со хартија за печење или во плех подмачкан со зејтин и се премачкуваат ролатите со остатокот од преливот за премачување на корите. По желба може да се насоли и сусам.
Се пече во рерна загреана на 200 степени, околу 25 минути.