Плетенка со фил
Состојки
- За тесто
- 1 кг. брашно
- 300 мл. млеко
- 200 мл. слаткапавлака
- 150 гр. шеќер
- 2 јајца
- 1 пециво
- 1/2 лажичка сол
- 2 лажици оцет
- 50 гр. свеж квасец
- 1 лажица рендана кора од портокал или лимон
- За прелив
- 2 јајца
- 2 лажици млеко
- 2 лажици зејтин
- За фил
- 400 мл. млеко
- 200 гр. шеќер
- 1 ванила
- 1 лажица какао
- 100 гр. афион
- 250 гр. мелени ореви
- 100 гр. суво грозје
- 5 лажици мармалад
Подготовка
Најпрво, се замесува тестото од наведениве состојки. Откако ќе се замеси тестото се остава да стаса околу 30 минути, па се додава рендана кора од 1 лимон и 1 портокал и повторно се измесува и се остава да стасува уште 20-30 минути.
Во меѓувреме се подготвува филот млекото, шеќерот, афионот и какаото, се варат заедно, околу 15 миути заедно врие, потоа се додаваат и оревите, сувото грозје и мармаладот и откако ќе се добие потребната густина, се трга од шпоретот и се остава да се излади, се додава и ванилата.
Тестото се дели на 3 дела. Од секој дел се сука голема правоаголна кора со димензии од околку 70/30 цм, која се премачкува со прелив од јајца, млеко и зејтин и се филува со фил кој се става на едниот крај од кората и се виткаат во ролат. Од трите ролати се плете плетенка, се добива поголема плетенка која се сече на половина и излегуваат 2 плетенки. Плетенките се ставаат во плех обложен со хартија за печење, се премачкуваат плетенките со остатокот од преливот и се попрскува ванила и сусам. Се оставаат да стасаат плетенките околу 1 час и се печат во рерна 45 минути на 180 степени.