Похуван целер - посно
Состојки
- 2 корени целер
- 2 моркови
- Маринада
- 2 портокали, само сокот
- 1/2 лимон, само сокот
- 1 чаша вода
- 50 мл масло
- 1 лажиче шеќер
- 1 лажиче сол
- Смеса за похување
- 1 чаша брашно
- 1 чаша вода
- 1 лажица нишесте
- 2 лажици масло
- 1 лажиче шеќер
- 1/2 лажиче сол
- 1 лажиче црвена пипер
Подготовка
Целерот исчистете го и исечете го на подебели кругови. Одма премачкајте го со сокот од исцедениот лимон. Морковот исчистете го и исечете го во форми во кои сакате. Потоа додајте ги и другите состојки од маринадата и ставете ги да се варат додека малку не омекнат. Исцедете ги.
Смесата за похување направете ја пред време и ставете ја малку во фрижидер, половина час...
Секое парче целер најпрво ставете го во смесата па потоа пржете го на малку масло, на слаба температура, (јас-од 12, на 5) по две минути, да зацрвенат.
Одлично предјадење или салата, а вклучително и здрава храна.