Пица со тиквички
Состојки
- Тесто
- 500гр. брашно
- 250 мл. млака вода
- 1/2 филџан масло за јадење
- 1/2 коцка квасец
- 1/2 лажица сол
- 1/2 лажица шеќер
- 1/2 лажица оцет
- Фил
- 1 голема или 2 помали тиквички
- 200 гр. сирење
- 200 гр. кашкавал
- 250 мл. кисела павлака
- 2-3 лажици маслиново масло
- 2-3 чешниња лук
- 100 мл. доматен сос
Подготовка
ТЕСТО
Од состојките за тесто замесуваме меко тесто и оставаме да стаса 45 минути. Откако тестото ќе стаса го размесуваме тестото на 2 или 3 колачиња во зависност од големината на пиците што сакаме да ги направиме. Повторно оставаме да стаса околу 30 минути.
ФИЛ
Сирењето го рендаме и го мешаме со киселата павлака и додаваме ситно исечкан лук. Тиквичката ја сечеме на кругови и ја посолуваме. Оставаме да стои со солта за да пушти вода. Од секое колаче растегнуваме по една пица и ја ставаме во плехче. Тестото го премачкуваме прво со доматен сос и исечкан свеж босилек, а врз него ставаме од филот со сирење. Врз филот рендаме кашкавал а потоа тиквичките (претходно исцедени) ги редиме во круг. Врз тиквичките попрскуваме маслиново масло, наросуваме пармезан и сув босилек. Пицата је печеме во рерна на 250 степени 20 минути. Кога е готова ја декорираме со парчиња домати наредени во круг и свеж босилек. Прекрасен е вкусот на босилек и лук. Пробајте!