Палачинки од цвекло
Состојки
- 1 помало коренче цвекло
- 2 чешњина лук
- 2 јајца
- 370 мл млеко
- 30 гр маргарин
- 130 гр брашно
- Фил
- крем сирење и магдонос
- 5-6 парчиња чадена печеница
Подготовка
Најпрво, цвеклото излупете го, исечете го на парчиња и заедно со лукчето сварете го со малку вода. Јас тоа го правам во микро бранова, се додека не биде меко. Измиксајте го во блендер и додадете млеко, стопен маргарин, јајца и со брашното направете смеса за палачинките. Од смесата испржете палачинки. Во зависност од тоа колкава дебелина сакате. Јас од оваа смеса направив 4 палачинки.
Кога ќе се оладат филувајте ги со промешаната изварка со крем сирењето во која сте го додале и исечканиот магдонос и исечканата печеница.
Завиткајте ги во фолија и ставете ги 1 час во фрижидер. Потоа исечете ги на парчиња.