Пралини со кокос
Состојки
- 70 мл слатка павлака
- 70 мл маргарин
- 70 гр прах шеќер
- 200 гр кокос
- 300 гр чоколадо за готвење
- 10 големи лажици зејтин
Подготовка
Во тенџерче на оган ја ставаме павлаката да се загрее, го додаваме маргаринот и мешаме за да се растопи. Потоа го додаваме кокосот и шеќерот во прав.
Чоколадото со 10 лажици зејтин се растопува на пареа. Со лажичка се става од чоколадото во силиконските калапи потоа од смесата со кокос се прават мали топчиња, се ставаат во калапите на средина и пак се дополнува со чоколадо.
Се ставаат во фрижидер да се стегнат а потоа пралините се вадат од калапите и се послужуваат. Јас кога ги правам си земам 200 гр црно и 100 гр бело чоколадо за да си имам и црни и бели.