Пивски леб
Состојки
- 250 мл пиво
- 1 1/2 лажица масло
- 2 лажички сув квасец
- 2 лажички шеќер
- 1 лажичка сол
- 400 гр брашно
Подготовка
Во садот за месење ставете го пивото, па додадете го квасецот, солта, шеќерот и маслото. Потоа постепено додавајте брашно и замесете тесто. Овде можи да го искористите и миксерот со додатоците за тесто. Оставете да се дуплира, па префрлете го во долгунест калап обложен со пек-хартија.
Печете на 180 степени околу 20 мин. (провизорно).
Испечениот леб премачкајте го со вода со помош на четче и покријте го околу 5 мин. Потоа извадете го од калапот и завиткајте го во платнена пацета да подолади.
Од наведените состојки излегува една мала векна леб. Ако сакате поголема, или повеќе дуплирајте ја дозата. Лебот има интересен вкус, кој кога ќе се проба едно залаче колку и да не ви е до јадење, ќе посакате уште. Со тоа се сложија и најпребирливите кои го пробаа.