Сарма од лозов лист
Состојки
- 50-60 листови од лоза
- 500 гр мелено месо
- 2 главици кромид (или 2-3 врзопчиња млад кромид)
- 2 моркова
- 1/2 китка магдонос
- 150 гр ориз
- 1 јајце
- 1 лажиче мешан зачин
- 1 лажиче црвен пипер
- малку сол
- малку бибер
Подготовка
Листовите се бланшираат (само кратко да зовријат во врела вода), се цедат и се оставаат да се оладат.
Кромидот и морковот ситно се сечкаат и се пржат додека да омекнат. Се додава месото, сето се меша, се пропржува и потоа се додаваат магдонос, ориз и се зачинува со мешан зачин, црвен пипер, сол и бибер. Сето се промешува да се изедначи, се трга од оган, се додава 1 јајце и повторно се промешува. Со овој фил се филуваат листовите, се виткаат и се редат во тенџере или (земјена) тава, се полеваат со врела вода (да ги покрие сармичките околу 4-5 см над нив). Се вари 2 часа на тивко или се пече во рерна покриено со фолија.